Llywydd ac Is-lywydd y Gynhadledd Fethodistaidd yn ymweld â Gogledd Cymru.
- Jun 4
- 2 min read
Dyma’r Parchedig Richard Andrew a Mr Matthew Forsyth yn dweud yr hanes -
"Buom yn ymweld â gwahanol Daleithiau yn ystod ein hamser fel Llywydd ac Is-lywydd gan ddiweddu gydag ymweliad â Synod Cymru Wales.
Roedd yr ymweliad hwn yn gyforiog o chwedl a chân, ieithoedd, ffydd a gobaith.
I ddechrau, buom yn Eisteddfod Genedlaethol yr Urdd, yr ŵyl ieuenctid deithiol fwyaf yn Ewrop, sy’n dathlu’r iaith Gymraeg, diwylliant a chreadigrwydd mewn ffordd mor fendigedig. Braf iawn oedd gweld yr eglwysi trwy Cytûn yn dod at ei gilydd i gynnig presenoldeb hyfryd, croesawus fel rhan o fywiogrwydd ac ysbryd yr Eisteddfod. Braint hefyd oedd cael cwrdd â Cherry Vann, Archesgob Cymru.
Yna aethom i ymweld â Drws Agored yng nghapel Shiloh Newydd, Tregarth, sydd yn amlygu croeso, cymuned a ffydd mewn ffordd mor brydferth.
Draw wedyn i Landudno a chael cyfle i ymweld ag Eglwys Fethodistaidd St John’s. Fe wnaethom ni fynd yr holl ffordd i dop y meindwr, hyd yn oed. Ar hyn o bryd mae wrthi’n cael ei atgyweirio. Yna cymryd rhan mewn sesiwn yn trafod ffydd a gwleidyddiaeth.
Hefyd yn ystod yr ymweliad buom yn ‘Beyond Belief’ sef addoliad yn yr awyr agored a drefnwyd gan Gylchdaith Bangor a Chaergybi gyda phawb yn dod at ei gilydd yn yr awyr iach i addoli, myfyrio a chael ein hatgoffa unwaith eto fod Duw bob amser yn ein galw i fynd allan y tu hwnt i’r muriau ac i’r byd i gyd. Rhaid cyfaddef fod ambell gi poeth a Smore wedi cael eu bwyta…
Cawsom ein bendithio eleni drwy letygarwch y Taleithiau ac yn sicr nid yw Synod Cymru Wales yn eithriad yn hyn o beth. Diolch yn fawr."
