Croeso cynnes i Gylchdaith Fethodistaidd y Trallwng a Bro Hafren. Rydym yn dilyn dysgeidiaeth y Beibl ac mae gennym 6 o gapeli sy’n anelu i rannu Newyddion Da yr Efengyl wrth inni ddod ynghyd i gynnal oedfaon a byw ein bywydau gartref, yn y gwaith ac yn y gymuned. Mae ein gwasanaethau yn agored i bawb – a phleser o’r mwyaf fyddai croesawu pawb ohonoch sy’n dod heibio ar ymweliad, sydd wedi ymsefydlu yn yr ardal neu sydd wedi symud yma yn ddiweddar.

​

Mae’r Gylchdaith yn cwmpasu ardal wledig, brydferth ac amrywiol, sy’n ymestyn o’r Trallwng ym mhen gogledd-ddwyreiniol y gylchdaith, i Drefeglwys yn y de. Cynorthwyir ein harolygydd, y Parchedig Keith Edwards, gan bregethwyr lleyg ac arweinyddion addoliad cydnabyddedig, ynghyd â gweinidogion sydd wedi ymddeol a phregethwyr eraill sy’n ymweld o bryd i’w gilydd. Cynhelir addoliad yn rheolaidd ym mhob un o 6 chapel y gylchdaith.

​

Os ydych yn Gristion o argyhoeddiad, neu efallai yn dal i chwilio am atebion, dewch i ymuno â ni wrth inni geisio dysgu mwy am beth mae caru a gwasanaethu Iesu Grist o ddydd i ddydd yn ei olygu.