Gwobrau Cymuned Gristnogol Bacistanaidd Prydain (BPCC)

Cyflwynwyd gwobr i’r Parchedig Irfan John, Galluogwr ein Synod ar gyfer Cynulleidfaoedd gyda Diwylliannau Amrywiol, yng Ngala Gwobrau Cymuned Gristnogol Bacistanaidd Prydain (BPCC) y DU 2025, a gynhaliwyd ar 13 Rhagfyr 2025. Mae'r wobr hon yn cydnabod ei wasanaeth a'i weinidogaeth ymroddedig fel gweinidog Methodistaidd, a'i ymrwymiad a’i arweiniad dros lawer o flynyddoedd.

Pan dderbyniodd y wobr, soniwyd yn arbennig am waith y Parchedig Irfan John o fewn cymunedau sydd â diwylliannau amrywiol drwy'r Eglwys Fethodistaidd, yn ogystal â’r holl bethau arbennig a gyflawnodd gan gynnwys Record Byd Guinness am y nifer mwyaf o genhedloedd mewn Drama Geni. Mae'r ffaith iddo gyflawni cymaint yn dangos pa mor angerddol ydyw dros ddod â phobl ynghyd trwy ffydd, gwasanaeth, a chydymdrech.

Mae Gwobrau Cymuned Gristnogol Bacistanaidd Prydain (BPCC) y DU yn dathlu unigolion sydd wedi newid pethau er gwell, ac mae'n arbennig o braf fod y Parchedig Irfan John wedi cael ei gydnabod gan ei gymuned ei hun o Gristnogion Pacistanaidd o bob cwr o'r DU fel unigolyn sydd wedi cyffwrdd yn

arbennig â bywydau llawer o’i gyd-genedl.